اقتباسات فيلم { آخر الرجال المحترمين }
هانى صموئيل
#########################
التوقيت 00:01:10
..... 00:02:00
فى المحطة ,الاستاذ فرجانى ونصحى أفندى
نصحى افندى : لكن الكتاب دا , عايزه ليه يا استاذ فرجانى ؟!
الاستاذ فرجانى : عشان اقرأه يا نصحى افندى , هى الناس بتشترى كتب ليه ؟!
نصحى افندى : أنا عايزك كدا فى حاجة تستاهل , أنا أقدر أجبلك تلفزيون ملون لـًقطة ,
وبسعر مهاود , يسليك , تشوف منه الدنيا , بدل ما أنت مبقق عينيك يا راجل .
الاستاذ فرجانى : كتر خيرك , التلزيون ملوش قبول عندى , فى حفظ الله .
نصحى أفندى : باى باى .
.....................
الاستاذ فرجانى : حلاوة السفر ,
أنه يكون معاك ناس , أهل وحبايب , اصحاب , لكن الله يرحم الأهل , والحبايب فات
الاوان , والاصحاب فى الزمان دا بقوا نادرين , واذا كان مكتوبلك تسافر تانى يا
فرجانى , فمش أى حتة تسافرها , ممكن بلد شاعرية , فيها هدوء , لكن ربنا يكفينا شر
البلاد الزحمة.
#########################
التوقيت 00:19:00
الطريق , أثناء عبور الطريق للفندق
الاستاذ فرجانى : أوووف , الحضارة فى أيامها الأخيرة .
#########################
التوقيت 00:20:30
..... 00:22:00
الفندق , الاستاذ فرجانى ويوسف موظف الريسبشن
الاستاذ فرجانى : من فضلك يا
استاذ , محجوز للرحلة كام غرفة ؟
يوسف الريسبشن : أوضتين كبار
يا أستاذى الفاضل . أوضة للاولاد , وأوضة للبنات .
الاستاذ فرجانى : 24 تلميذ
وتلميذة , وثلاثة مشرفين فى غرفتين , ليه ؟ , وأزاى يعنى ؟!
يوسف الريسبشن : كل أوضة فيها
4 سراير .
الاستاذ فرجانى : شفتها , 4
سراير , يعنى 4 تلاميذ .
يوسف الريسبشن : السرير 4 !!
الاستاذ فرجانى : نعم !! ,
والسرير 120 سم , يعنى حتى لو ناموا عليه بالعرض , ميكفيش !! , ولا عايزهم يناموا
واقفين !! , لا ولا .......................... دول كتاكيت خضر , دول أمل مصر ,
لازم نربيهم من صغرهم على كل حاجة كويسة , لو سرقنا منهم آدميتهم وهما لسه صغيرين
, لما يكبروا شوية , هيبقى حالهم أيه ؟! , ها !! , أنا عاوز لكل تلميذ سرير منفرد
.
يوسف الريسبشن : أزاى يا أستاذ
؟! , فى اتفاق , المدرسة متفقة معانا على تأجير غرفتين .
الاستاذ فرجانى : لا يا محترم ,
نص الاتفاق نعايا , ايوه دا ..... " تسكين 24 تلميذ وتلميذة وثلاثة مشرفين
" , يبقى المطلوب منك انك تسكنا مع المحافظة على آدميتنا , يا كدا يا بينى
وبينك قسم الشرطة .
يوسف الريسبشن : طول بالك , من
غير عصبية , كل شئ ممكن يتدبر .
الاستاذ فرجانى : موافق , بس
يكون فى معلومك , أى تنازل من عندى مفيش . دبر أمورك , دون المساس بأى حق قانونى
أو أنسانى من حقوقنا , أنتهى .
يوسف الريسبشن : على الساعة 5
هتكون كل الاماكن محجوزة.
الاستاذ فرجانى : موافق . هو
اول حاجة فى برنامج الرحلة , زيارة حديقة الحيوان , بعد مشاهدة الحديقة أرجو ان
غرف الاولاد تكون معدة , لأن ساعتها هيكونوا فى آمس الحاجة الى الراحة .
يوسف الريسبشن : ..... نظرة
تعجب .....
#########################
التوقيت 00:25:30
..... 00:25:40
حديقة الحيوان , التلاميذ والاستاذ فرجانى
تلميذ : هى مصر فيها
قرود يا أستاذ ؟
الاستاذ فرجانى : هى مصر فيها قرود يا أستاذ ؟قرود قرود !! , مفيش , لكن قرود مصر من نوع تانى !!
#########################
التوقيت 00:34:02
..... 00:35:12
أمن الحديقة , الاستاذ فرجانى والصول
الاستاذ فرجانى : يا سيدى , أنا
ضايع منى بنت , روح بشرية ,إنسانة , أنا مش جاى ابلغ عن ضياع محفظة أو ساعة , دى
إنسانة .
الصول : عارف عارف ,
بس أنت لو تهدى نفسك شوية .
الاستاذ فرجانى : هيه , أدينى
هديت (بتعجب ) .
الصول : أنت دلوقت مش
بلغت ؟! , سيب الباقى على الله وعلينا , واحنا عارفين الأجراءات كويس.
الاستاذ فرجانى : أيههى بقى
الاجراءات بتاعتكم ؟!!
الصول : كلها ساعة زمن
, والجنينة هتفضى , ليك عليا واحنا بنتمم على الجنينة هادورلك على البنية .
الاستاذ فرجانى : هى دى
الاجراءات ؟!!
الصول : أيوة .
الاستاذ فرجانى : يا سيدى , أنا
جاى أبلغ عن طفلة مفقودة .
الصول : يبقى مش عندى
بقى .
الاستاذ فرجانى : أومال عند مين
؟!!
الصول : فى القسم ذات
نفسه , ويستحسن أنك مترحش النهاردة .
الاستاذ فرجانى : ليه ؟
الصول : لانه لن يتم
نشر البلاغ بتاعك الا بعد مرور 24 ساعة على أختفاء الشخص المبلغ عنه , اذ ربما
يظهر هذا الشخص خلال الـ 24 ساعة , يبقى بلاغك ازعاج سلطات !!
الاستاذ فرجانى : أنت بتتكلم جد
!!!!
الصول : أيوة والله
بتكلم جد , بس أنا عايزك تطمن , انشالله هتلاقى البنت .
#########################
التوقيت 00:42:00
..... 00:45:10
مكالمة
بين الاستاذ فرجانى وسكرتير وزير الداخلية
سكرتير وزير الداخلية : ممكن نعرف أيه
هو الموضوع الخطير اللى حضرتك عايز الوزير بخصوصه؟
الاستاذ فرجانى : أيوة , بس لو
اقول لسيادتك علىا لموضوع , بعد كدا هقول أيه لمعالى الوزير .
سكرتير وزير الداخلية : شوف يا أستاذ
...
الاستاذ فرجانى : فرجانى .
سكرتير وزير الداخلية : شوف يا أستاذ
فرجانى , أنا من مهام وظيفتى , أنى أقدر حجم المسائل والأمور الخاصة بالوزير ,
يعنى لازم أتاكد أن الأمر الخطير اللى حضرتك عايز الوزير بخصوصه يحتاج الى معاليه
ولا لا .
الاستاذ فرجانى : يحتاج ويحتاج
, يحتاج وزير ورئيس وزراء , أمر زى دا لو حدث فى دولة متحضرة , الدنيا تقوم
ومتقعدش .
سكرتير وزير الداخلية : المسالة تخص
أمن الدولة مثلاً ؟
الاستاذ فرجانى : طبعا دى قضية
أمن دولة من الدرجة الاولى , على اعتبار أن أمن الدولة مرتبط بأمن المواطن .
سكرتير وزير الداخلية : يا أستاذ
فرجانى , هدى نفسك شوية وأحكيلى على رواقة , تنظيم أحمر ؟
الاستاذ فرجانى : لا أحمر ولا
أزرق ولا بنى , أطمن من الناحية دى .
سكرتير وزير الداخلية : تجسس ؟
الاستاذ فرجانى : يا سيدى مالى
أنا ومال المسائل دى ؟! , لو تكرمت وصلنى بمعالى الوزير عشان أقوله كل اللى عندى .
سكرتير وزير الداخلية : الوزير مش
موجود , وأنا مكانه وبعدين تأكد أننا أحنا كلنا هنا تحت أمرك , وفى خدمتك , وأى
معاونة أو مساعدة هتتم فى التو واللحظة .
الاستاذ فرجانى : الله يطمنك ,
الموضوع يا سيدى الفاضل أنى مشرف على رحلة مدرسية لزيارة معالم القاهرة , وأثناء
زيارة حديقة الحيوان تاهت منى طفلة صغيرة بريئة و..
سكرتير وزير الداخلية : أنت مخبول يا
راجل انت (بغضب) .
الاستاذ فرجانى : أيه اللى قلبك
مرة واحدة كدا يا سيدى الفاضل , خليك حليم وأسمعنى للأخر .
سكرتير وزير الداخلية : طالب وزير
الداخلية شخصيا عشان تبلغ عن بنت تايهة , متروح أى قسم وأعمل بلاغ .
الاستاذ فرجانى : حلمك عليا
كمان مرة يا سيدى الفاضل , أنا روحت قالولى لا يتم نشر البلاغ الا بعد 24 ساعة ,
أومال أنا طالب معالى الوزير ليه ؟!!! , الـ 24 ساعة دول كتير قوى , ممكن فيهم
البنت تتنقل من بلد لبلد تانى !!
سكرتير وزير الداخلية : حضرتك عايز
الوزير ينزل شخصيا ويدور علىا لبنت اللى تاهت منك ويقول " بنت تايهة يا ولاد
الحلال !!" .
الاستاذ فرجانى : العفو يا سيادة
البيه مدير مكتبه , بس أنا ...
سكرتير وزير الداخلية : مبسش ولا حاجة
, الوزير عنده مهام جسيمة , مهواش فاضى لبنت تاهت ولا خناقة فى الشارع , أتفضل روح
ميرية أمن الجيزة , قابل هناك نائب مدير الأمن , وأنا هاتصل بيه يعمل اللازم , مع
السلامة .
فى الريسبشن .... يوسف الريسبشن : حضرتك طالب الوزير عشان بنت تاهت منك ؟! (بسخرية) .
الاستاذ فرجانى : أومال اطلبه
عشان أيه ؟!
يوسف الريسبشن : دا وزير , الوزير دا بتاع الحاجات الكبيرة قوى , شوف يا
أستاذ الوزير لا يمكن يتنقل من مكتبه الا فى حالة حدوث كارثة , كارثة كبيرة .
الاستاذ فرجانى : وفقد طفلة
صغيرة , مش كارثة كبيرة ؟!!
يوسف الريسبشن : لا يا أستاذ , الكوارث الكبيرة دى حاجة تانية خالص ,
مركب تغرق فى النيل , قطر يتقلب , ماسورة مجارى تنفجر , علطول يتنقل الوزير ونائب
الوزير وسيادة مدير الأمن , أنما المصيبة بتاعتك دى قد النمنمة .
الاستاذ فرجانى : والمصيبة
بتاعتى اللى قد النمنمة , عايزة مين عشان يهتم بيها ؟!!
يوسف الريسبشن : هما قالولك أيه فى التليفون ؟
الاستاذ فرجانى : قالولى اروح
اقابل نائب مدير أمن الجيزة .
يوسف الريسبشن : طيب حلو قوى , يبقى اللى أنت عملته دا جاب نتيجة , هو
نائب مدير الأمن شوية !!
#########################
التوقيت 00:49:10
..... 00:54:00
مكالمة بين الاستاذ فرجانى وسكرتير وزير
الداخلية
الاستاذ فرجانى : مساء الخير .
الظابط : (بعمد اهتمام) , اتفضل استريح .
الاستاذ فرجانى : (يجلس
وهو قلق للغاية) , أنا
سيادة سكرتير مكتب وزير الداخلية هو اللى باعتنــ
الظابط : (بعمد
اهتمام) , ايوة ايوة
, هاكون معاك حالا .
الاستاذ فرجانى : (بقلق) , هو سيادة نائب مدير الأمن مشغول ولا أيه ؟
الظابط : (بعمد
اهتمام) , ايوة أنا
عارف كل حاجة .
الاستاذ فرجانى : أعذرنى , اصل
أنا فى موقف صعب .
الظابط : على ما أظن أن
حضرتك المدرس اللى ضاعت منه البنت فى جنينة الحيوان ؟
الاستاذ فرجانى : أيوة , هو أنا
.
الظابط : (بغضب) , دى نتيجة الاهمال , تقدر تقولى حضرتك , كنت بتعمل ايه
لما البنت ضاعت منك ؟
الاستاذ فرجانى : شوف يا حضرة
الظابط , أنا مهمل أشد حالة الاهمال , مش أهمال وبس , اعتبرنى يا سيدى ارتكبت
جريمة , وأنا على استعداد لتحمل أى عقوبة , انشالله مؤبد , بس مش هى دى المشكلة !!
الظابط : أومال أيه
المشكلة ؟!
الاستاذ فرجانى : أن نعثر على البنت أولاً , يجوز حياتها معرضة للخطر , وبعد أذنك , أنا جاى
أتحدث مع سيادة نائب مدير الأمن شخصياً .
الظابط : (بغضب) هو أنا مش مالى عينك ولا أيه ؟!
الاستاذ فرجانى : مش قصدى , لكن
, لكن .. .
الظابط
: لكن أيه ؟! , رايح تتصل بمكتب الوزير عشان بنت تايهه ,
أتفضل (يعطيه ملف) , دول أطفال تايهين , أولاد وبنات , أكتر من 15 , ودى حصيلة 3
أيام بس !
الاستاذ فرجانى : مش فاهم حضرتك تقصد أيه ؟! .
الظابط
: أقصد أن حضرتك مكبر الحكاية زيادة عن اللزوم .
الاستاذ فرجانى : أسمع يا محترم , أنت شكلك كدا واخد موقف منى , بس يكون فى علمك , أنا كنت
يقظ جدا , وعينى كانت على كل الاولاد ,ومن غير ما أكبر الموضوع , أنا هنا كمواطن ,
عارف واجباته قبل حقوقه , وأنا كمواطن بطلب منك أن الشرطة تقوم بدورها فى البحث عن
الطفلة .
الظابط
: وأنا تحت أمرك يا حضرة المواطن , أسمك الثلاثى وسنك
ومهنتك ؟
الاستاذ فرجانى : أنت عايز اسمى ولا أسم البنت ؟! .
الظابط
: أسمك انت .
الاستاذ فرجانى : هو حضرتك هتعمل أيه بالظبط ؟!
الظابط
: هعمل بلاغ لحضرتك .
الاستاذ فرجانى : وبعد ما تعمل لحضرتى بلاغ ؟! أيه اللى هيحصل ؟!
الظابط
: حضرتك بقى تروح لحالك , وأحنا نشوف شغلنا , الحالات اللى
زى دى , ليها اجراءات معروفة , بنخطر كأفة الاقسام , وبنعمل نشرة بمواصفات الشخص
المختص , ويكون أحسن لو معاك صورة للبنت .
الاستاذ فرجانى : ممكن أسال حضرتك سؤال ؟! .
الظابط
: أتفضل .
الاستاذ فرجانى : لو جالك بلاغ أن شقة أتكسرت واتسرقت , بتعمل أيه ؟
الظابط
: حننتقل لمكان الحادث , وهنعاين الشقة , وهنرفع البصمات
أن وجدت و.......
الاستاذ فرجانى : كفاية يا بيه كفاية , كل دا بيحصل عشان سرقة سجادة أو شوية صيغة , لكن لما
بنى آدم يضيع , بنى آدم , اللى هو أغلى حاجة فى الدنيا , يكون مصيره بلاغ عليه
صورة ويترمى فى درج المكتب . (صمت ) ....................... مكنتش أعرف أن البنى آدم عندنا
ملوش قيمة للدرجادى .... يمكن عشان بقينا أكتر من اللازم !!
الظابط
: واضح أنك مكبر الموضوع قوى , زيادة عن اللزوم .
الاستاذ فرجانى : (باهتمام) فى
الدنمارك
الظابط
: نعم !
الاستاذ فرجانى : (باهتمام)
الدنمارك بتاعة الجبنة دى , فى طفلة صغيرة تاهت من امها جوة محل , سوبر ماركت ,
عارف حصل أيه ؟!! .. وزير الداخلية طلع بنفسه فى التلفزيون وأدلى ببيان للناس ,
والقصر الملكى أدلى ببيان هو الرأخر , البحث عن الطفلة بقى مشكلة كل الناس .
الظابط
: ودى بقى كانت بنت وزير ولا مليونير ولا ...
الاستاذ فرجانى : (يقف بحزن) لا , دى كانت بنت فران ... متشكر يا حضرة الظابط (يتحرك للخارج) .
الظابط
: حضرتك رايح فين ؟!!
الاستاذ فرجانى : (بحزن) متنازل
عن البلاغ , المسالة أكبر بكتير من مجرد بلاغ على ورق , أنا هادور على البنت
بنفسى ( يتحرك خارجا ) .
الظابط
: انت يا جدع انت .. (يتصل بمكتب وزير الداخلية) ..أيوة يا
فندم , الراجل اياه اللى جه مكتب سيادة الوزير , جه ... يا فندم دا باين عليه مختل
عقلياً , بيقولى النمارك والسويد وايه والجبنة ........ لا , لا كله تمام يا فندم
..... طبعا وهو أقتنع بسلامة الاجراءات .
............ يخرج الاستاذ فرجانى والحزن
يمتلكه , يجد يوسف موظف الريسبشن للفندق ينتظره ..
يوسف الريسبشن: ايه يا استاذ , قابلت سيادة اللواء نائب مدير الأمن ؟
الاستاذ فرجانى : (بسخرية) أومال .
يوسف الريسبشن: عمل ايه بقى ؟
الاستاذ فرجانى : (بسخرية) هد
الدنيا طبعاً !! , قعد يصدر أوامر يمين وشمال , بعت يجيب المخبرين من بيوتهم ,
اصدر أمر عسكرى بمهاجمة كافة أوكار الجريمة ...
يوسف الريسبشن: أنت مقابلتش أى حد ؟!
الاستاذ فرجانى : (بحزن وكسرة) مقابلتش حد !!!
#########################
التوقيت 01:16:09
..... 01:17:00
مشهد الاستاذ فرجانى والريسبشن يوسف والمعلم
برغوت
الاستاذ فرجانى : يا معلم برغوت
, أنت كنت معايا راجل شريف , وأنا هاكون معاك راجل شريف , أنا هارجع البنت تانى
لتحيمر العفش وهابلغ عنه البوليس .
المعلم برغوت : الله الله
الله اله , دى حاجة بره الأتفاق خالص .
الاستاذ فرجانى : أنا اتفاقى
كان معاك أنت , لكن مش مع الشيطان اللى أسمه تحيمر , وبعدين دا أتفاق غير أخلاقى _
غير قانونى _ وغير أنسانى كمان . الواحد يتفق على الخير مش علىا لشر , تحيمر دا يا
معلم مش بيسرق محفظة ولا ساعة !! , دا بيسرق البنى آدم نفسه , بيعذب أطفال زى
العصافير الخضر , وبيحرق قلب أهاليهم عليهم , يا معلم , مش كل مجرم المفروض أن
احنا نتستر عليه , فاهم يا معلم .
يوسف الريسبشن : ما تبلغ عنه
يا أستاذ , من غير ما ترجعله البنت .
الاستاذ فرجانى : لا , أنا عايز
البوليس يقبض عليه وجسم الجريمة عنده , عشان يروح فى 60 داهية , فاهم يا معلم .
المعلم برغوت : فهمت .
#########################
التوقيت 01:40:30
..... 01:42:00
مشهد الاستاذ فرجانى وهو يجلس على سلالم برج
القاهرة ويعيد حساباته وافكاره
الاستاذ فرجانى : النار بقيت
رماد _ والعقل رجع وفكر _ والقلب حس بالرحمة والتسامح _ برضه الأنسان أنسان , هو
أصل الحضارة _ الخير هو الأصل فيه _ والشر هو اللى دخيل عليه
.........................................
............................................... زمان
قالوا فى الأمثال "أن اللى بيخاف من الديب , بيطلعله" , وأديك لاقيت
نفسك فى وسط الزحمة _ لكن الزحمة جوة منها كتير قوى يا فرجانى _ دنيا تانية جديدة
عليك _ الحياة مش أبيض وأسود بس !! _ دا فيها لون تانى ! _ اللون الرمادى , أصلك
مكنتش عامل حسابه خالص _ لازم تعيد حساباتك يا فرجانى !! .
آخر الرجال المحترمين
اداء / نور الشريف
كتابة / وحيد حامد
إخراج / سمير سيف
اصدار / 1984
ريفيو فيلم آخر الرجال المحترمين
فيلم "آخر الرجال المحترمين" :::
§
هو ليس فيلما كوميديا تضحك مع انطلاق لقطاته الأولى فتظل
ممتنا لصناعه للأبد .
§
ليس فيلم أكشن وإثارة يجذبك وأنت في مقعدك بالسينما فتظل
تتذكر تلك اللحظات فتدفعك لمشاهدته للمرة الثانية أو حتى العاشرة .
§
لكنه فيلم يحتاج لمشاهدات متتالية قبل أن تترسخ بداخلك
فلسفة صناعه . "آخر الرجال المحترمين" لم يحقق نجاحا جماهيريا، لا
أعرف السبب .
§
بالتأكيد لم يكن وحيد حامد وهو يكتب هذا الفيلم ويرشح
سمير سيف لآخراجه، يتصور أن "آخر أيام الحضارة" كما وصفها الأستاذ
فرجاني "نور الشريف" في الفيلم كانت أفضل بكثيرا عما هي عليه الآن وما
قد نذهب له لاحقا .
§
كتب وحيد حامد هذا الفيلم منطلقا من فكرة أن الإنسان مسئول عن كونه إنسانا في المقام الأول،
وفرجاني لم يكن يبحث عن الطفلة خوفا من المسئولية كمدرس كان بإمكانه إلقاء اللوم
على المشرفين "محمد التاجي وسناء يونس" وتوزيع التهمة على عدة أطراف،
ولكن لأن هناك نفسا بشرية ربما تعاني الآن ويجب إنقاذها . اخر الرجال المحترمين فرجاني
في رحلته لاستعادة نسمة، قال لنا عبر سيناريو وحيد حامد وكاميرا سمير سيف أن البشر
رماديون، والتعامل معهم كأبيض أو أسود فقط مرهق للغاية، وأن حماية
الإنسان من الوصول لقمة الغضب هي حماية لباقي الناس الذين قد يتضررون من غضبه
ووقتها لن تعود عقارب الساعة للوراء . نزع فرجاني فتيل الفتنة، وعاد الكل سعيدا من حيث جاء،
وجلس هو على سلالم برج القاهرة جلسة لالتقاط النفس وإعادة الحسابات، جلسة أظنها
كانت موجهة لمن سيشاهد الفيلم أيضا، أن يتأمل كل منا في قواعد حياته الثابتة التي
يجب أن تتغير مع التشبث بقاعدة وحيدة هي أن الإنسان يجب أن يحافظ على قيمة هذه
الصفة، قيمة الإنسانية الخالصة . ربما أطلق صناع الفيلم اسم "آخر الرجال
المحترمين" على الشريط لأن تلك الفترة شهدت بالنسبة لهم متغيرات أخلاقية
وقيمية جعلت فرجاني هنا هو آخر الرجال المحترمين، لكن الفيلم نفسه أثبت أن هناك
محترمون أخرون، موظف الفندق "أحمد راتب"، المعلم برغوث "علي
الشريف"، ضابط الشرطة "رشوان سعيد" كلهم شاركوا في انقاذ
"نسمة" وإن ظهروا في بداية الأحداث غير مكترثين، عدم الاكتراث هنا داء
يصيب الإنسان عندما يفقد الأمل في ممارسة إنسانيته، لكن الأمر يختلف تماما عندما
تأتيهم العزيمة من رجل مثل فرجاني، الذي أظنه يستحق أن يصبح "أول الرجال
المحترمين" فهو لم يكن آخرهم فلا يخلو زمن من رجال محترمين حتى وإن طغى على
الساحة أبناء "طحيمر العفش".